Si Darryl Yap ay kilala sa mga kontrobersiyal na tema at istorya ng kanyang mga pelikula.

Bukod dito, madalas ding hot topic ang mga pagre-react at pagsagut-sagot niya sa mga kasamahan sa industriya.

Maging ang ilang posts niya sa kanyang social-media accounts ay umani ng strong reactions mula sa mga opisyal ng gobyerno.

Matatandaang idineklara siyang persona non grata ng Quezon City Council taong 2022.

Ito ay dahil sa video na ini-upload sa Facebook page niyang Vincentiments na tinampukan ni Ai-Ai delas Alas impersonating Quezon City Mayor Joy Belmonte.

Sa parehong taon, tinuligsa ni Commission on Elections Commissioner Rowena Guanzon ang 2017 tweet niya tungkol sa mga menor de edad.

Pina-boycott pa nga ni Guanzon ang mga pelikula ni Darryl.

Nag-ingay din ang mga political campaign videos niya noong 2022 elections.

Inakusahan siyang tumanggap ng PHP50 million mula sa Bongbong Marcos-Sarah Duterte team, pero mariin niya itong itinanggi.

FAST FACTS about DARRYL YAP

Ipinanganak si Darryl sa Olongapo, Zambales.

Parehong guro ang kanyang mga magulang.

Alumnus siya ng Centro Escolar University, kung saan siya nag-take ng kursong mass communication.

Nag-enroll din siya sa Nanyang Technological University sa Singapore, kung saan siya nag-pursue ng public administration.

Sa edad na 32 at sa limang taong pamamalagi sa showbiz, marami nang napagdaanan si Darryl.

At kadalasan, chill lang siya at mistulang unbothered sa mga kritisismo o kontrobersiyang kinakaharap niya.

Heto nga’t two days after his birthday last January 7, 2025, sinampahan siya ng kasong cyberlibel ni Vic Sotto dahil sa teaser ng upcoming film niyang The Rape of Pepsi Paloma.

Matatandaang siya rin ang direktor ng Maid in Malacañang, na tungkol sa pag-alis ng pamilyang Marcos sa Pilipinas, matapos silang mapatalksik ng People Power noong 1986.

Umani ng batikos ang pelikulang ni-release noong 2022, dahil umano sa historical revisionism o pagbabali nito sa kasaysayan

Narito ang listahan ng iba pang pelikula ng kontrobersiyal na direktor.

2019

#JOWABLE

Nakilala si Direk Darryl matapos ang first feature film niyang #Jowable, na ni-release ng Viva Films noong September 2019.

Comedy movie ito tungkol sa isang babaeng virgin na naghahanap ng boyfriend.

Dahil sa success ng pelikula, nakilala rin ang bidang si Kim Molina pati na rin ang leading man niyang si Jerald Napoles sa mainstream.

Sa larangan ng teatro sumikat sina Kim at Jerald dahil sa pagtatanghal nila sa Filipino stage musical Rak Of Aegis mula 2014 hanggang 2019.

2021

Ito ang taong naging very busy ang direktor.

Siyam ang nagawa niyang pelikula para sa Vivamax, na naging popular during the COVID-19 pandemic.

PAGLAKI KO, GUSTO KONG MAGING PORNSTAR

Noong January 2021 ipinalabas ang Paglaki Ko, Gusto Kong Maging Pornstar.

Ito ang pangalawang feature film ni Direk Darryl na Viva Films din ang nag-produce.

Bida rito ang ilan sa mga artistang nakilala sa sexy roles, tulad nina Alma Moreno, Rosanna Roces, Ara Mina, at Maui Taylor.

Gumanap sila bilang mga trainor ng ilang mga baguhang artista na nais ding maging sexy star.

Pinatawan ng X rating ng Movie and Television Review and Classification Board (MTRCB) ang Paglaki Ko, Gusto Kong Maging Pornstar dahil sa sexual theme nito.

TILILING

Two months later, ni-release ng Viva Films ang Tililing, ang pangalong pelikula ni Direk Darryl.

Tungkol ito sa mga pasyenteng nasa isang mental hospital.

Kasama sa cast sina Baron Geisler, Chad Kinis, Gina Pareño, Candy Pangilinan, Donnalyn Bartolome, at Cai Cortez.

Paglabas ng poster ng pelikula ay pinuna ng Commission on Human Rights (CHR) dahil sa “stereotypical and discriminating” nitong karakterisasyon sa mga may mental-health issues.

GLUTA

Gluta naman ang titulo ng pang-apat na pelikula ni Direk Darryl.

Ni-release ito ng Viva Films sa Vivamax noong July 2021.

Pinagbidahan ito ni Ella Cruz, isang babaeng Aeta na nais sumali sa beauty pageant sa kabila ng diskriminasyon.

May ilang tumuligsa rito dahil sa issue ng colorism at racial sterotyping.

REVIRGINIZED

Matapos ang isang buwan ay nilabas naman ng Viva Films ang Revirginized, na pinagbidahan ni Sharon Cuneta.

Ang papel dito ng Megastar ay isang ina na nais maramdaman muli ang pagkadalaga na hindi niya naranasan dahil sa maagang pagbubuntis.

Ito ang pinaka-daring na pelikula ni Sharon, at umani ng mixed reactions mula sa fans.

May mga hindi pa nagustuhan ang body-shots scene kasama ang shirtless na si Marco Gumabao.

Ang depensa ni Sharon through an Instagram post, “…no matter how our movie does or what people say, I will still ALWAYS LOVE CARMELA, my character in ‘Revirginized.’”

69+1

Sekswal ang tema ng 69+1, ang pampitong feature film ni Direk Darryl sa Viva Films.

Bida rito sina Janno Gibbs, Maui Taylor, at Rose Van Ginkel.

Gumanap sina Maui at Rose na lesbian couple na naghahanap ng makaka-sex na isang lalaki upang bumalik muli ang init sa kanilang relasyon.

Ini-release ito sa VivaMax noong September 2021.

ANG MANANANGGAL NA NAHAHATI ANG PUSO

Sama-sama namang romance, horror, at comedy ang sumunod na pelikula ni Direk Darryl sa Viva Films.

Ito ang Ang Manananggal na Nahahati ang Puso, na pinagbidahan nina Marco Gallo, Aubrey Caraan, Gina Pareño, MC Calaquian, Lassy Marquez, at Chad Kinis.

Tungkol ito sa isang manananggal na ma-i-in love sa isang lalaking galing sa Italy.

Ipinalabas ito sa VivaMax noong October 2021.

SARAP MONG PATAYIN

Ang comedy thriller film na ito ng kontrobersiyal na direktor sa Viva Films ay ni-release noong October 2021.

Bida rito sina Lassy Marquez, Kit Thompson, at Ariella Arida.

Ang sentro ng kuwento ay isang bakla na nagka-catfish sa mga lalaki gamit ang picture ng magandang babae.

BARUMBADINGS

Action comedy naman ang Barumbadings, na ni-release muli sa Vivamax.

Tungkol ito sa tatlong baklang gangster na may makakaaway na grupo ng mga lesbian.

Bida rito sina Jeric Raval, Mark Anthony Fernandez, Baron Geisler, at Joel Torre.

Ipinalabas ito noong November 5, 2021.

PORNSTAR 2: PANGALAWANG PUTOK

Pornstar 2: Pangalawang Putok ang naging huling feature film ni Direk Darryl noong 2021.

Sequel ito ng Paglaki Ko, Gusto Kong Maging Pornstar, na ipinalabas noong simula ng taon.

Balik sa cast ng Pornstar 2 sina Rosanna Roces, Alma Moreno, Ara Mina at Maui Taylor.

2022

Isa lang ang naging pelikula ni Direk Darryl sa taong ito.

Mas naging abala siya sa mga campaign videos niya sa social media.

MAID IN MALACAÑANG

Ang Maid in Malacañang ay ni-release ng Viva Films sa mga sinehan noong August 2022.

Darryl Yap (seated, L) with politician Imee Marcos (seated, R) and (standing, L-R) Beverly Salviejo, Karla Estrada, and Elizabeth Oropesa. Right photo shows the Maid in Malacanang’s movie poster. 

Photo/s: Facebook / Viva Films

Ito ang pangalawang pelikula ni Direk Darryl na nagkaroon ng nationwide screening.

Ayon sa Viva Films, kumita ito ng 650 million pesos sa box office.

Bida sina Cesar Montano, Cristine Reyes, Diego Loyzaga, Ella Cruz, at Ruffa Gutierrez.

And just like his previous movies, nag-ingay din ang Maid in Malacañang dahil sa pagtutol ng mga human rights groups at mga biktima ng pamilyang Marcos at ng martial law.

Ikinuwento kasi rito ang huling mga araw ng pamilyang Marcos sa Malacañang, bago sila mapatalsik dahil sa 1986 People Power Revolution.

Ayon sa mga kritiko, marami sa mga eksena ay hindi umayon sa kasaysayan.

2023

Iisa rin ang idinirek ni Darryl sa taong ito.

Bandang May, inanunsiyo niyang titigil muna siya sa paggawa ng political-themed movies.

Sa panayam niya sa PEP.ph (Philippine Entertainment Portal). “To be honest, doing Marcos films talaga was really the worst writer’s block I’ve experienced.”

In October, inamin niyang nawawalan siya ng passion sa filmmaking dahil pa rin sa “writer’s block.”

Inayawan niya rin ang paggawa ulit ng Vivamax films dahil, “To be honest kasi, ayoko talaga. Number one, bading ako. Puro d*d* ang nakikita ko, so hindi ko talaga gusto.”

MARTYR OR MURDERER

Ang sequel ng Maid in Malacañang ay ang Martyr or Murderer, na ini-release ng Viva Films sa mga sinehan noong March 2023.

Muling binatikos ito ng mga kritiko dahil sa pagbali ulit nito sa kasaysayan.

Bukod kasi sa kuwento ng pamilyang Marcos ay sinali na rin ng direktor sa pelikula ang ilan pang political figures, tulad nina Ninoy Aquino, Cory Aquino, at Leni Robredo,

Bumalik sa cast ng pelikula sina Cesar Montano, Cristine Reyes, Ella Cruz, at Ruffa Gutierrez.

Nadagdag naman sina Isko Moreno, Sachzna Laparan, at Marco Gumabao.

Nag-flop daw ito sa box-office, at tumabo lamang daw ng five million pesos, ayon sa uncofficial information

2024

SEOULMEYT

Naging reunion film nina Direk Darryl, Kim Molina, at Jerald Napoles ang Seoulmeyt, ang romantic-comedy movie ng Viva Films na ipinalabas sa mga sinehan noong May 2024.

Matatandaang bida sina Kim at Gerald sa #Jowable, na unang pelikula ng direktor para sa Viva Films.

Ang Seoulmeyt ay tungkol sa isang K-drama fan na naghahanap ng kanyang Oppa, o magiging boyfriend, sa South Korea.

2025

THE RAPISTS OF PEPSI PALOMA

Ngayong taon iri-release ang The Rapists Of Pepsi Paloma.

Ito ang unang movie na hindi Viva Films ang producer.

Bida rito sina Rhed Bustamante, Gina Alajar, Mon Confiado, Shamaine Buencamino, at Rosanna Roces.

Ang target release ay sa February 2025.

At January 1 inilabas sa social media ang teaser nito na naging laman ng mga balita.

Tinanong kasi ng karakter ni Gina Alajar si Pepsi Paloma, na ginampanan ni Rhed Bustamante: “Ni-rape ka ba ni Vic Sotto?”

Ang sumisigaw at punung-puno ng emosyon na sagot ni Pepsi: “Oo!”

Matatandaang lumitaw ang mga pangalan nina Vic, Joey de Leon, at Richie D’Horsie bilang mga suspek sa diumano’y panggagahasa kay Pepsi.

Matapos ang 43 years, pinag-uusapan pa rin ang isyung ito kahit hindi napatunayan ang bintang sa tatlong komedyante.

Umaga ng Huwebes, January 9, 2025, pumunta mismo si Bossing sa prosecutor’s office ng Muntinlupa City upang magsampa ng 19 counts of cyberlibel laban sa 38-year-old director.

Tinatayang 35 million pesos ang danyos na hinihingi ng Eat Bulaga! host.