Jericho on Janine: “We really, really, really like each other a lot.”

Jericho Rosales asks Janine Gutierrez: "Kasintahan daw ba kita?"
Jericho Rosales on Janine Gutierrez: “And then now, it’s a new year. We’re sharing dreams. ‘What do you plan for this year? What do you wanna do this year?’”

PHOTO/S: Rachelle Siazon

Diretsong tinanong si Jericho Rosales, 45, kung girlfriend na niya si Janine Gutierrez, 35.

Co-stars sila sa ongoing Kapamilya primetime series na Lavender Fields.

Hiwalay na nakapanayam ng piling entertainment reporters at vloggers sina Jericho at Janine sa press junket ng serye na ginanap nitong Lunes ng tanghali, January 6, 2025, sa 9501 Restaurant sa ABS-CBN compound.

Jericho Rosales and Janine Gutierrez at Lavender Fields mediacon
Jericho and Janine at the press junket earlier today 

Photo/s: Rachelle Siazon

Isang matamis na ngiti ang sagot ni Jericho, sabay nilingon kung nasaan si Janine.

“Gusto ko yung label, e,” pasakalye muna ng aktor.

“Asan na ba si Janine? Tanungin ko muna si Janine. Tanungin niyo muna siya kung anong statement niya, as a gentleman.”

Binanggit ng PEP.ph (Philippine Entertainment Portal) kay Jericho na mas magandang sa lalaki manggaling ang confirmation.

Tumayo si Jericho, at saka kunwa’y hinanap uli si Janine.

Masiglang sigaw ni Jericho, “Nini! Girlfriend daw ba kita? Ikaw ba ay aking kasintahan?”

Nini ang palayaw ni Janine.

Noong mga oras na iyon ay nasa kabilang table si Janine at kausap ng ibang press members.

Hindi man diretsahang inamin ni Jericho ang label ng relasyon nila ni Janine, hindi naman niya itinago ang pagtatangi sa dalaga.

“But we really, really, really like each other a lot,” ani Jericho.

Tiyempong nag-last two minutes na ang host ng press junket bilang senyales na kailangang lumipat sa kabilang table ang artista dahil limitado sa 15 minutes ang bawat interbyu.

Natatawang sabi ni Jericho, “Nag-two minutes… Sorry guys di ko nabitawan! Thanks, guys!”

JERICHO ROSALES ON SHARING DREAMS WITH JANINE GUTIERREZ

Bago ito ay sinabi naman ni Jericho na lumalim ang relasyon nila ni Janine kumpara noong kinikilala pa lang nila ang isa’t isa noong mid-2024.

July 2024 nang unang maiulat na nagdi-date ang dalawa.

“We’re on a very fresh, fun kind of territory since we got to know each other before kami nagsimula.

“We shot and got to know each other as actors, as artists. We really worked together.

“On and off cam, okay kaming dalawa,” paglalarawan ni Jericho kung paano madali silang nagkasundo ni Janine.

Nagsimulang umere ang Lavender Fields noong September 2, 2024 at magtatapos ito sa January 17, 2025.

Gumaganap silang estranged married couple sa serye.

Patuloy ni Jericho: “Now, its like, tapos na yung show, the holidays arrived.

“And then now, it’s a new year. We’re sharing dreams. ‘What do you plan for this year? What do you wanna do this year?’

“The dynamics ngayon is different. Bitin pa talaga kami. Sabi ko, ‘Hey, I’m gonna look for stories for us to work on.’”