Usap-usapan ngayon sa social media ang umano’y pinagdadaanan ng magkasintahang Julia Barretto at Gerald Anderson.

Marami kasi ang nakapansin na hindi na nagkakasama ang dalawa sa pagbabakasyon. Matatandaang ilang beses nang nagtravel si Julia na siya lamang mag-isa o di kaya’y kasama niya ang ilang mga kaibigan. Wala namang paramdam si Gerald Anderson na nagkakasama sila ni Julia matapos ang shoot nito sa Switzerland.

Matatandaang nagtungo sa Switzerland si Gerald para sa filming ng pelikula kung saan nakasama niya at nakatambal sa unang pagkakataon si Kylie Padilla. Makikita naman sa mga ibinahaging larawan ang nag-uumapaw na chemistry ng dalawa na gaganap sa roles nina Noah at Lucy.

Hinala naman ng ilang mga netizens na nagkakamabutihan na sina Gerald at Kylie na naging dahilan ng pagkakalabuan nina Gerald at girlfriend nitong si Julia Barretto. Sa kabila ng mga isyung ito, nananatili pa ring tahimik ang dalawa.

Hiling naman ng mga tagahanga nila na sana’y malampasan nila ang anumang pagsubok na pinagdadaanan ng kanilang relasyon. Komento naman ng iba na hindi totoo ang nasabing isyu dahil nagbabalak na umano ang dalawang magpakasal. Nangangamba naman ang ilan na baka umano nagkamabutihan na ang dalawa. Alam naman ng lahat na hiwalay na sa asawa si Kylie Padilla.

Samantala, dahil sa mga kumakalat na isyu nagbigay na ng pahayag si Kylie Padilla at nilinaw sa lahat na wala siyang intensyong mang-agaw ng boyfried. Trabaho lamang talaga umano ang namagitan sa kanila ni Gerald. Dagdag pa ni Kylie na trabaho at ang kanyang mga anak ang priority niya ngayon. Wala pa umano siyang balak pumasok sa isang relasyon ngayon dahil naka-focus siya sa kanyang mga priorities.

Ayon kay Kylie, dapat i-respeto natin ang relasyon ni Julia at Gerald dahil hindi sa lahat ng pagkakataon ay masaya, may mga panahon din umano na hindi nagkakaunawaan.